Դերևս 2021թվականից Արցախում բացվեց «Սոցիալական աշխատանք» մագիստրոսական ծրագիրը։ Դիմակայելով և հաղթահարելով մի շարք մարտահրավորներ, ուսանողները հաջողությամբ ավարտին հասցրին իրենց ուսումը։

Ս․թ․ հուլիսի 18-ին 15 ուսանողներն ստացան իրենց որակավորումը որպես սոցիալական աշխատողներ։ Հայաստանի Սոցիալական աշխատողների ասոցիացիայի տնօրեն Միրա Անտոնյանը բացման խոսքով շնորհավորեց շրջանավարտներին, և ոգևորելով նրանց մաղթեց աշխատանքային արդյունավետ ճանապարհ, որի անցումը մեկս մյուսի աջակցությամբ կծառայի սոցիալական աշխատանքի էությանը։ Հաջորդելով, ծրագրում ներգրավված բոլոր մասնագետներն ու դասախոսական անձնակազմը ևս միացավ շնորհավորանքներին և մաղթանքներին։ Հայ կրթական հիմնարկության տնօրեն Արմինե Հարոյանն ամփոփեց ելույթները կարևորելով մասնագիտության զարգացումը և շրջանավարտների կարևոր դերը՝ մասնագիտության և հայրենիքի զարգացման գործում։

Սիրով շնորհավորում ենք և մաղթում աշխատանքային բուռն ու արդյունավետ ճանապարհորդություն:

Սույն ծրագիրն իրականացվել է Հայ կրթական հիմնարկության ֆինանսական աջակցությամբ, Հայաստանի սոցիալական աշխատողների ասոցիացիայյի, Արցախի Մեսրոպ Մաշտոց համալսարանի, Արցախի պետական համալսարանի և ԵՊՀ Սոցիալական աշխատանք ամբիոնի հետ սերտ համագործակցությամբ։