«Հայաստանի սոցիալական աշխատողների ասոցիացիա» հասարակական կազմակերպությունը (այսուհետ` Ասոցիացիա) «Հայաստանում սոցիալական ներառման և ինքնաբավ կենսապահովման միջոցառումների խթանում» (“Promoting Social Inclusion and Self-Reliant Livelihood Activities in Armenia”)  դրամաշնորհային ծրագրի (հետայսու՝ Ծրագիր) շրջանակում հայտարարում է Դասընթացների իրականացման (Վերապատրաստման սեմինարներ սոցիալական աշխատողների համար, սոցիալական աշխատողների աշխատավայրում վերապատրաստում/քոուչինգ) խորհրդատուի ընտրության մրցույթ:           

Այս խորհրդատվության հիմնական նպատակն է ուժեղացնել սոցիալական աշխատողների / դեպք վարողների կարողությունները Լոռու, Շիրակի, Կոտայքի, Արմավիրի և Արարատի մարզերում `սոցիալական դեպքի վարման արդյունավետ իրականացման դասընթացների / սեմինարների և աշխատանքային վերապատրաստման (քոուչինգի) միջոցով  նորաստեղծ միասնական սոցիալական ծառայության 200 սոցիալական աշխատողների համար:

Աշխատանքի շրջանակը

Ծրագիրն իրականացնող գործակալության (ԾԻԳ) ներկայացուցչի (Ծրագրի բաղադրիչ 1-ի համակարգողի) հսկողության ներքո Սոցիալական աշխատանքի դասընթացների իրականացման խորհրդատուն (Սոցիալական աշխատողների վերապատրաստման սեմինարներ, ՍԱ աշխատանքային վերապատրաստում / քոուչինգ), այսուհետ ` Խորհրդատուն, պարտավորվում է իրականացնել հետևյալ առաջադրանքները ՝

1. Ծրագրի թիրախային մարզերում սոցիալական աշխատողների դասընթացների (սեմինարների, վերապատրաստումների) անցկացում.
2. Ծրագրի թիրախային մարզերում սոցիալական աշխատողների աշխատավայրում վերապատրաստման (քոուչինգի) անցկացում։

«Դասընթացների անցկացում» առաջադրանքի շրջանակում, Խորհրդատուն (դասընթացավարը) պատասխանատու է հետևյալ խնդիրների համար՝

• Մասնակցել ծրագրի միջազգային խորհրդատուների կողմից անցկացվող ToT-ին (դասընթաց դասընթացավարների համար);
• Պատրաստել և առաջարկել դասընթացների անցկացման մեթոդներ / մոտեցումներ, ներառյալ վարժություններ, ուսուցողական խաղեր, դեպքերի ուսումնասիրություններ և այլն;
• Իրականացնել երկօրյա վերապատրաստման սեմինարներ (3) ծրագրի յուրաքանչյուր մարզում գտնվող պետական և համայնքային սոցիալական աշխատողների համար` համաձայն ToT-ների ընթացքում տրամադրված դասընթացների նյութերի և ցուցումների;
• Մշակել վերապատրաստման հաշվետվություններ `համաձայն տրամադրված ուղեցույցի։

«Սոցիալական աշխատողների աշխատավայրում վերապատրաստման (քոուչինգի) անցկացում» առաջադրանքի շրջանակում, Խորհրդատուն (դասընթացավարը) պատասխանատու է հետևյալ խնդիրների համար ՝

• Անհատական և խմբային քոուչինգ աջակցություն տրամադրել տեղական սոցիալական աշխատողներին / դեպք վարողներին  հետևյալ խնդիրների համար՝
• Դեպքերի գրանցում (ներառյալ MIS- ի (տեղեկատվական կառավարման համակարգի) կիրառումը)
• Սոցիալական աշխատանքի մեթոդներ (կարիքների խորը գնահատում, մոտիվացիոն հարցազրույց, տնային այցեր, քարտեզագրում և այլն)
• բարդ հաճախորդների հետ աշխատանք
• կապերի հաստատում
• Ռեսուրսների մոբիլիզացում
• Հաճախորդների հետ հաղորդակցում ակտիվացման, հզորացման, համայնքների մոբիլիզացման և ներառման վերաբերյալ
• Օգնել զարգացնել և բարելավել սոցիալական աշխատանքի հմտությունները հետևյալ ուղղություններով՝
• Կարեկցանք
• Արդյունավետ հաղորդակցություն
• Կազմակերպում
• Քննադատական մտածողություն, որպեսզի կարողանան վերլուծել անկողմնակալ դիտորդությունից և հաղորդակցությունից ստացված տեղեկատվությունը
• Ակտիվ ունկնդրում
• Շահերի պաշտպանություն
• Համապատասխան համայնքներում տեղական սոցիալական ծառայության աշխատուժի հետ անցկացնել ամենամսյա հանդիպումներ հետևյալի վերաբերյալ՝ 
• Համագործակցային սոցիալական աշխատանքի պրակտիկա
• Ինքնօգնություն և մասնագիտական այրման կանխարգելում
• Մշակել ամսական հաշվետվություններ ստեղծված մարտահրավերների, ինչպես նաև  սոցիալական աշխատողների հզորացման հմտությունների, աշխատանքային միջավայրի, աշխատանքային մշակույթի, ուղղորդումների, դեպքերը գրանցման և այլնի վերաբերյալ ցուցաբերված աջակցության մասին:

Ժամանակացույց և փուլեր

Դասընթացների և քոուչինգի աշխատանքային լեզուն հայերենն է: Դասընթացները և քոուչինգը կկազմակերպվեն ծրագրի թիրախային մարզերում: Դասընթացների / քոուչինգների անցկացման վայրը և ժամկետները կհաստատվեն ԾԻԳ-ի կողմից, տրանսպորտային և ճանապարհորդության հետ կապված այլ ծախսերը հոգալու է ծրագիրը: ԾԻԳ-ը կարող է խնդրել խորհրդատուին դասընթացները / քոուչինգը անցկացնել վիրտուալ առցանց պլատֆորմների միջոցով: Խորհրդատուին կվճարեն համաձայն Պայմանագրով նախատեսված աշխատանքային օրերի քանակի:

Անհրաժեշտ հմտություններ

• Բարձրագույն կրթություն սոցիալական աշխատանքի ոլորտում
• Առնվազն 3 տարվա փորձ `որպես սոցիալական աշխատանքի քոուչ / ղեկավար (երաշխավորող նամակները կդիտվեն որպես առավելություն)
• Առնվազն 5 տարվա փորձ սոցիալական աշխատանքի ոլորտում (ակտիվացում, ներառում և երեխաների աղքատություն)
• Առնվազն 3 տարվա փորձ սոցիալական աշխատողների դասընթացներ անցկացնելու գործում
• ՀՀ սոցիալական պաշտպանության համակարգի գերազանց իմացություն
• Անգլերենի իմացությունը կդիտվի որպես առավելություն
• Շատ լավ հաղորդակցման, ներկայացման և կազմակերպչական հմտություններ, ինչպես նաև թիմային աշխատանքի հմտություններ
• Համակարգչային գիտելիքներ
• Մոտիվացնելու և ոգևորելու կարողություն

Ծրագրի մասին

Ծրագիրը Արարատի, Արմավիրի, Կոտայքի, Լոռու և Շիրակի մարզերի քաղաքային և գյուղական համայնքներում ավելի քան 11,000 խոցելի անձանց համար ընդլայնելու է սոցիալական աջակցության նպաստներից և ծառայություններից օգտվելու հնարավորությունները, և տրամադրելու է ինքնազբաղվածության աջակցություն: Ծրագրի դրամաշնորհը տրամադրվել է Ճապոնիայի Սոցիալական Զարգացման Հիմնադրամի (Japan Social Development Fund, JSDF) կողմից: 

Ծրագիրը մշակվել է Համաշխարհային բանկի կողմից ` ՀՀ աշխատանքի և սոցիալական հարցերի նախարարության հետ համատեղ, և այն կիրականացվի «Հայաստանի սոցիալական աշխատողների ասոցիացիա» ոչ առևտրային հասարակական կազմակերպության կողմից, որը հանդիսանում է  Հայաստանում սոցիալական աշխատողների ազգային մասնագիտական ներկայացուցչական մարմին: JSDF-ը ստեղծվել է Ճապոնիայի կառավարության և Համաշխարհային բանկի կողմից ` որպես Համաշխարհային բանկի իրավասու երկրների առավել աղքատ և խոցելի խմբերին ուղղակի օգնություն տրամադրելու մեխանիզմ: Նպատակն է ընդլայնել նրանց հնարավորությունները, ուժեղացնել նրանց կարողությունները և մասնակցությունը հասարակության և տնտեսական կյանքում:

Դիմումի ընթացակարգ

Վերոշարադրյալ պահանջներին համապատասխանող խորհրդատուները կարող են մինչեւ 2021 թվականի հուլիսի 29-ը ներկայացնել մոտիվացիոն նամակ և կենսագրական թերթիկ (CV) ստորև նշված էլեկտրոնային հասցեով: Խնդրում ենք էլ. փոստի «Subject» դաշտում նշել հանձնարարականի անվանումը՝ «Սոցիալական աշխատողների դասընթացների իրականացման խորհրդատու»:

Խնդրում ենք նկատի ունենալ, որ հարցազրույցի կհարավիրվեն միայն նախնական ընտրությունը անցած թեկնածուները:

Էլ. փոստ՝  procurement@aasw.org  

Հարցերի և պարզաբանումների համար hեռ.`(374 93) 51-44-99