Մեր թիմին միանալու համար փնտրում ենք սոցիալական ծառայությունների սուպերվիզորների և սոցիալական աշխատողների՝ Սարդարապատ, Նոր Հաճն, Հրազդան, Մասիս, Վայք և Ապարան համայնքներում, այդ թվում հարակից բնակավայրերում, Արցախից բռնի տեղահանված ընտանիքների հետ աշխատելու համար։

Աշխատանքները ներառելու են կանոնավոր սոցիալ-հոգեբանական աջակցության ցուցաբերումը նշված համայնքներում բնակվող Արցախից բռնի տեղահանված ընտանիքներին հետևյալ ձևաչափերով՝ արտագնա (մոբիլ) և կենտրոնում։

Սոցիալական աշխատանքի կենտրոնի սուպերվիզորի աշխատանքային պարտականությունները ներառելու են.

• Կազմակերպել և իրականացնել սոցիալական աշխատողների և հարակից մասնագետների մասնագիտական սուպերվիզիա (անհատական և խմբային ձևաչափերով)
• Ապահովել դեպքերի կառավարման գործընթացների (գնահատում, պլանավորում, միջամտություն, մոնիթորինգ, փակման) որակի վերահսկում
• Վերլուծել բարդ դեպքերը և աջակցել թիմին մասնագիտական որոշումների կայացման մեջ
• Զարգացնել թիմի մասնագիտական կարողությունները՝ կրթական, ռեֆլեքսիվ և աջակցության մեխանիզմների միջոցով
• Ապահովել մասնագիտական էթիկայի, կոնֆիդենցիալության և շահառուակենտրոն մոտեցման պահպանումը
• Նպաստել թիմում մասնագիտական այրման (burnout) կանխարգելմանը և հոգեբանական աջակցության ապահովմանը
• Մասնակցել ծրագրի մեթոդաբանական նյութերի մշակմանը և վերանայմանը
• Համագործակցել ծրագրի ղեկավարի և այլ մասնագետների հետ՝ ծրագրի արդյունավետ իրականացման նպատակով
• Ապահովել սուպերվիզիայի գործընթացների պատշաճ փաստաթղթավորում և հաշվետվողականություն

Պահանջվող որակավորումներ և փորձ․

• Բարձրագույն կրթություն սոցիալական աշխատանքի, հոգեբանության կամ հարակից ոլորտում
• Սոցիալական աշխատանքի ոլորտում առնվազն 7 տարվա մասնագիտական փորձ
• Սուպերվիզիայի իրականացման փորձ կամ համապատասխան վերապատրաստումների մասնակցություն
• Թիմի հետ աշխատելու, առաջնորդելու և աջակցելու բարձր կարողություններ

Սոցիալական աշխատողների աշխատանքային պարտականությունները ներառելու են․ 

• ընտանիքների կարիքների և ռեսուրսների գնահատումը (միջավայրային, վարքագծային, հուզական և սոցիալական գործոններ),
• տնայցերի իրականացումը (գնահատման, խորհրդատվության տրամադրման և շարունակական վերահսկողության նպատակներով),
• ընտանիքների հետ աշխատանքի պլանավորումը և միջամտությունը,
• ընտանիքների՝ իրենց բնակության համայնքներում ինտեգրման գործընթացին աջակցելը,
• ռիսկային/խոցելի ընտանիքների/ անհատների հայտնաբերումը,
• սոցիալական խորհրդատվությունների տրամադրումը,
• ինքնօգնության և փոխօգնության խմբերի ձևավորումն ու վարումը,
• գրառումների, արձանագրությունների, բազաներ վարումը, հաշվետվությունների կազմումը, դեպքերի ամբողջական փաստաթղթավորումը, 
• կամավորների ներգրավումն ու նրանց հետ աշխատանքի կազմակերպումը, 
• սերտ համագործակցությունը համայնքում գործող պետական և ոչ պետական ծառայությունների/կառույցների հետ,
• սերտ համագործակցությունը ծրագրային թիմի և կազմակերպության աշխատակազմի հետ,
• մասնակցությունը կարողությունների զարգացման դասընթացներին, հանդիպումներին,
• այլ առնչվող գործառույթների իրականացումը։

Պահանջվող գիտելիքներ և հմտություններ.

• գրավոր և բանավոր հաղորդակցման հմտություններ,
• համակարգչով և ժամանակակից այլ տեխնիկական միջոցներով աշխատելու հմտություն,
• մեծ նվիրում և աշխատելու կարողություն ճկուն միջավայրում,
• արագ սովորելու և սեղմ ժամկետներում աշխատելու ունակություն,
• խնդիրները լուծելու և անսովոր իրավիճակներում արագ կողմնորոշվելու ունակություն:

Պահանջվող որակավորումներ և փորձ․

• ոլորտային մասնագիտական կրթություն,
• սոցիալական ոլորտում աշխատանքի փորձառությունը,
• ՀԿ ոլորտում փորձառությունը կդիտարկվի որպես առավելություն,
• Արցախում սոցիալական աշխատանքի փորձը կդիտարկվի որպես առավելություն։

Հետաքրքրված անձինք կարող են ինքնակենսագրական (CV) ուղարկել infoaasw@gmail.com էլհասցեին՝ նամակի Թեմա հատվածում նշելով հաստիքի անվանումը: