«Հայաստանի սոցիալական աշխատողների ասոցիացիա» հասարակական կազմակերպությունը «Հզորացնելով համայնքները․ համալիր սոցիալական աջակցություն և պաշտպանություն բռնի տեղահանված բնակչության համար» ծրագրի շրջանակում հրավիրում է դիմելու փորձագետների՝ Մասիս խոշորացված համայնքի համար տեղական սոցիալական պլանի (ՏՍՊ) մշակման աշխատանքների իրականացման նպատակով։

Ծրագիրն իրականացվում է ՄԱԿ-ի Փախստականների հարցերով գլխավոր հանձնակատարի ֆինանսավորմամբ։

Աշխատանքի նպատակը

Ապահովել Մասիս համայնքի սոցիալական կարիքների գնահատման, տվյալների վերլուծության և դրանց հիման վրա մասնակցային, տվյալահեն և ինստիտուցիոնալացված տեղական սոցիալական պլանի մշակում։

Աշխատանքների շրջանակը

Փորձագետը պատասխանատու կլինի հետևյալ հիմնական ուղղություններով՝

1. Նախապատրաստական փուլ

• Կազմակերպել մեկնարկային հանդիպումներ Ասոցիացիայի և համայնքի ներկայացուցիչների հետ
• Աջակցել միջսեկտորալ (ISN) խմբի ձևավորմանը և դերերի հստակեցմանը
• Մշակել ՏՍՊ-ի վերաբերյալ դասընթացի ծրագիր և ուսումնական նյութեր
• Իրականացնել 3-օրյա դասընթաց ISN խմբի համար
• Մշակել տվյալների հավաքագրման մեթոդաբանություն և գործիքներ
• Աջակցել համայնքի ղեկավարի որոշման նախագծի մշակմանը

2. ՏՍՊ-ի մշակման փուլ

• Իրականացնել 2-օրյա աշխատարան ՏՍՊ մշակողների համար
• Աջակցել համայնքի սոցիալական կարիքների վերաբերյալ տվյալների հավաքագրմանը
• Վերլուծել հավաքագրված տվյալները
• Մշակել ՏՍՊ-ի նախագիծը

3. Ինստիտուցիոնալիզացիայի փուլ

• Համաձայնեցնել ՏՍՊ նախագիծը աշխատանքային խմբի հետ
• Կազմակերպել առնվազն 8 համայնքային քննարկում (town-hall meetings)
• Լրամշակել ՏՍՊ նախագիծը
• Աջակցել ՏՍՊ-ի հաստատման գործընթացին և դրա ներառմանը համայնքի զարգացման ծրագրում

Պահանջվող որակավորումներ

• Բարձրագույն կրթություն՝ սոցիալական աշխատանքի, հանրային կառավարման, տնտեսագիտության կամ հարակից ոլորտներում
• Առնվազն 5-7 տարվա մասնագիտական փորձ սոցիալական ծառայությունների, համայնքային զարգացման կամ հանրային կառավարման ոլորտներում
• Փորձ տեղական կամ ազգային մակարդակով ծրագրերի մշակման, գնահատման կամ ռազմավարական պլանավորման ոլորտում
• Ցանկալի է փորձ տեղական սոցիալական պլանների (LSP) մշակման կամ համայնքային բյուջետավորման գործընթացներում
• Լավ իմացություն ՀՀ ՏԻՄ համակարգի և սոցիալական պաշտպանության ոլորտի
• Դասընթացների և աշխատարանների իրականացման փորձ
• Վերլուծական և հետազոտական բարձր հմտություններ

Աշխատանքի տևողությունը

2025 թ․ հունիս – դեկտեմբեր (ըստ աշխատանքների ժամանակացույցի)

Դիմելու կարգը

Հետաքրքրված թեկնածուները պետք է ուղարկեն՝ ինքնակենսագրական (CV) մինչև սույն թվականի մայիսի 21-ը infoaasw@gmail.com էլհասցեին: