Հայաստանի սոցիալական աշխատողների ասոցիացիան հրավիրում է մասնագետների միանալ իր Սոցիալական աշխատանքի կենտրոնների թիմերին՝ որպես սոցիալական հմտությունների ուսուցանող։

Կենտրոնները տրամադրում են սոցիալ-հոգեբանական և սոցիալ-տնտեսական աջակցություն տեղահանված և խոցելի բնակչությանը՝ նպաստելով նրանց սոցիալական ակտիվացմանը, ինքնուրույնության բարձրացմանը և համայնքային ներառմանը։ Սոցիալական հմտությունների ուսուցանողը պատասխանատու է շահառուների կյանքի, սոցիալական և գործնական հմտությունների զարգացման համար՝ աջակցելով նրանց սոցիալ-տնտեսական ակտիվացմանը և կայուն ինքնաբավությանը։

Աշխատանքի վայր

Աշխատանքը նախատեսվում է հետևյալ համայնքներում՝

• Արմավիր (ներառյալ՝ Արմավիր և Վաղարշապատ համայնքները)
• Հրազդան (Հրազդան խոշորացված համայնք)
• Աբովյան (Աբովյան խոշորացված համայնք)
• Մասիս (Մասիս խոշորացված համայնք)
• Գորիս (Գորիս խոշորացված համայնք)

Թեկնածուները դիմելիս պետք է նշեն իրենց նախընտրելի համայնք(ներ)ը։

Աշխատանքի տևողությունը

2026 թվականի ապրիլի 1-ից մինչև դեկտեմբերի 30-ը։

Պաշտոնի նպատակը

Ապահովել շահառուների սոցիալական, կյանքի և գործնական հմտությունների զարգացումը՝ խթանելով նրանց սոցիալ-տնտեսական ակտիվացումը, ինքնուրույնության ձևավորումը և աշխատունակության բարձրացումը։

Պարտականությունների շրջանակը

Սոցիալական և կյանքի հմտությունների զարգացում

• Մշակել և իրականացնել սոցիալական հմտությունների զարգացման խմբային ծրագրեր
• Զարգացնել հաղորդակցման, համագործակցության և թիմային աշխատանքի հմտությունները
• Աջակցել կոնֆլիկտների կառավարման և խնդիրների լուծման կարողությունների ձևավորմանը
• Զարգացնել ինքնավստահությունը, ինքնարտահայտումը և պատասխանատվության զգացումը

Սոցիալ-տնտեսական ակտիվացում

• Իրականացնել ծրագրեր՝ ուղղված շահառուների աշխատունակության և զբաղվածության պատրաստվածության բարձրացմանը
• Զարգացնել աշխատանքային վարքագիծ, ժամանակի կառավարում և նպատակային պլանավորում
• Աջակցել ֆինանսական գրագիտության հմտությունների զարգացմանը (բյուջե, ծախսերի կառավարում, խնայողություն)
• Աջակցել շահառուներին մասնագիտական կողմնորոշման և զբաղվածության հնարավորությունների բացահայտման հարցում

Անկախ կյանքի հմտությունների զարգացում

• Զարգացնել ինքնասպասարկման և առօրյա կյանքի կազմակերպման հմտություններ
• Աջակցել շահառուների ինքնուրույն որոշումներ կայացնելու կարողության զարգացմանը
• Նպաստել ինքնաբավության և երկարաժամկետ կայունության ձևավորմանը

Խմբային և համայնքային աշխատանք

• Կազմակերպել համայնքային ներգրավվածության միջոցառումներ,
• Նպաստել շահառուների ակտիվ մասնակցությանը համայնքային կյանքին։

Թիմային համագործակցություն

• Համագործակցել սոցիալական աշխատողների, հոգեբանի և այլ մասնագետների հետ
• Մասնակցել դեպքերի քննարկումներին
• Տրամադրել դիտարկումներ շահառուների առաջընթացի վերաբերյալ

Փաստաթղթավորում և հաշվետվողականություն

• Վարել խմբային և անհատական աշխատանքների գրանցումներ
• Փաստաթղթավորել առաջընթացը և դժվարությունները
• Ներկայացնել պարբերական հաշվետվություններ
• Պահպանել շահառուների տվյալների գաղտնիությունը

Պահանջվող որակավորումներ և հմտություններ

• Բարձրագույն կրթություն սոցիալական աշխատանքի, մանկավարժության, հոգեբանության կամ հարակից ոլորտում,
• Առնվազն 2 տարվա աշխատանքային փորձ,
• Խմբային աշխատանքի և ոչ ֆորմալ կրթության մեթոդների իմացություն,
• Սոցիալ-տնտեսական կամ զբաղվածության ծրագրերի հետ աշխատանքի փորձը՝ առավելություն,
• Համակարգչային գրագիտություն (MS Office, առցանց գործիքներ),
• Հայերենի գերազանց իմացություն (անգլերենի իմացությունը՝ առավելություն)։

Դիմելու կարգ

Հետաքրքրված թեկնածուները կարող են դիմել՝ ներկայացնելով հետևյալ փաստաթղթերը՝

• ինքնակենսագրական (CV)
• մոտիվացիոն նամակ (առավելագույնը՝ 1 էջ), որտեղ պետք է հստակ նշվի՝
  • դիմած պաշտոնը
  • նախընտրելի աշխատանքի վայրը

Դիմումները անհրաժեշտ է ուղարկել procurement@aasw.org էլեկտրոնային հասցեին՝ թեմայի դաշտում նշելով՝ «Սոցիալական հմտությունների ուսուցանող – [համայնք]»

Դիմումների ընդունման վերջնաժամկետ՝ 28.03.2026 թ․

Միայն նախնական ընտրությունը հաղթահարած թեկնածուները կհրավիրվեն հարցազրույցի, որը կարող է ներառել նաև գործնական առաջադրանք։