Աշխատանքի վայր

Մասիս, Աբովյան, Վեդի և Երևան համայնքներում հիմնվող Սոցիալական աշխատանքի կենտրոններ

Աշխատանքի նպատակը

Սուպերվիզորի հիմնական նպատակը սոցիալական աշխատողների թիմի մասնագիտական աջակցությունն ու զարգացումն է՝ ապահովելով դեպքերի կառավարման որակը, ծառայությունների արդյունավետությունը և շահառուների նկատմամբ մասնագիտական, էթիկական և համակարգված մոտեցումը։

Աշխատանքային պարտականություններ

• Իրականացնել սոցիալական աշխատողների անհատական և խմբային սուպերվիզիա

• Ապահովել դեպքերի կառավարման գործընթացների (գնահատում, պլանավորում, միջամտություն, մոնիթորինգ, փակման) որակի վերահսկում

• Վերլուծել բարդ դեպքերը և աջակցել թիմին մասնագիտական որոշումների կայացման հարցում

• Զարգացնել թիմի կարողությունները՝ կազմակերպելով քննարկումներ, ռեֆլեքսիվ հանդիպումներ և ուսուցողական գործընթացներ

• Ապահովել մասնագիտական էթիկայի, կոնֆիդենցիալության և շահառուակենտրոն մոտեցման պահպանումը

• Նպաստել թիմի ներսում մասնագիտական այրման կանխարգելմանը

• Մասնակցել մեթոդաբանական նյութերի մշակմանը և ծրագրի կատարելագործմանը

• Համագործակցել ծրագրի ղեկավարի և այլ մասնագետների հետ

• Ապահովել սուպերվիզիայի գործընթացների պատշաճ փաստաթղթավորում և հաշվետվողականություն

Պահանջվող որակավորումներ

• Բարձրագույն կրթություն սոցիալական աշխատանքի, հոգեբանության կամ հարակից ոլորտում

• Սոցիալական աշխատանքի ոլորտում առնվազն 5–7 տարվա փորձ

• Սուպերվիզիայի իրականացման փորձ կամ համապատասխան վերապատրաստումների մասնակցություն

• Դեպքի կառավարման և սոցիալական ծառայությունների համակարգի խոր գիտելիքներ

• Թիմի հետ աշխատելու և առաջնորդելու զարգացած հմտություններ

• Վերլուծական մտածողություն և որոշումների կայացման կարողություն

• Մասնագիտական էթիկայի սկզբունքների գերազանց իմացություն

• Հայերեն լեզվի գերազանց իմացություն, անգլերենի իմացությունը կդիտվի որպես առավելություն

• Համակարգչային հմտություններ (MS Office և այլն)

Դիտարկվող առավելություններ

• Փորձ խոցելի խմբերի (երեխաներ, ընտանիքներ, բռնի տեղահանված անձինք) հետ աշխատանքի ոլորտում

• Միջազգային ծրագրերում ներգրավվածության փորձ

• Վերապատրաստումների և դասընթացների իրականացման փորձ

• Սթրեսակայունություն և բարձր պատասխանատվության զգացում

Ինչպե՞ս դիմել

Հետաքրքրված թեկնածուները կարող են ուղարկել ինքնակենսագրական (CV) procurement@aasw.org էլհասցեին, մինչև սույն թվականի հուլիսի 22-ը: