Մրցույթի անվանումը՝ AASW-RISE-002/26 - Լոտ 5

Պաշտոնը՝ Բուժքույր (Աշտարակի սոցիալական խնամքի բազմաֆունկցիոնալ ծառայություն)

Ծրագրի անվանումը՝ «ՐԱՅԶ – Հայաստան․ տեղահանված և խոցելի բնակչության վերականգնում, սոցիալական ներառում և հզորացում» ծրագիրը։                         

Ծրագրի նպատակն է՝  Հայաստանում խոցելի բնակչության, այդ թվում  Լեռնային Ղարաբաղից տեղահանվածների համար սոցիալական պաշտպանության համակարգի բարելավումը`  սոցիալական աշխատողների կարողությունների զարգացման, ինչպես նաև նոր սոցիալական ծառայությունների՝ պատրոնաժի, սոցիալական խնամքի և սոցիալ-վերականգնողական ծառայությունների հասանելիության ապահովման միջոցով։

Ծրագրի տևողությունը․ Նոյեմբեր 2024-Նոյեմբեր 2027                                                   

Հաշվետու է՝  Ծրագրի սուպերվիզորին    

Ծրագրի շրջանակներում աշխատանքի իրականացման վայրը՝ Աշտարակ խոշորացված համայնք

Գործողության սկիզբ՝ 15/03/2026                                                                                Գործողության ավարտ՝ 15/05/2026

1․ Բովանդակությունը և նպատակը՝

Ապահովել շահառուների առողջական վիճակի մշտադիտարկումը և անհրաժեշտ բուժքույրական միջամտությունների իրականացումը շարժական (տնայցային) ծառայության շրջանակում՝ նպաստելով առողջության պահպանմանը, առողջական ռիսկերի վաղ հայտնաբերմանը և կյանքի որակի բարելավմանը։

2․ Աշխատանքային պարտականությունները

2.1 Առողջական վիճակի գնահատում և մշտադիտարկում (տնայցերի միջոցով)

• Իրականացնել շահառուների առողջական վիճակի առաջնային և պարբերական գնահատում շահառուի բնակության վայրում։
• Չափել և վերահսկել հիմնական առողջական ցուցանիշները (արյան ճնշում, արյան մեջ գլյուկոզա, ջերմաստիճան և այլն)։
• Բացահայտել առողջական ռիսկեր և համապատասխանաբար տեղեկացնել շահառուին և/կամ բուժող բժշկին։
• Վարել անհատական առողջական քարտեր և գրանցումներ։

 2.2 Բուժքույրական միջամտությունների իրականացում

• Վերահսկել դեղորայքի ընդունումը և դրա ազդեցությունը շահառուի առողջական վիճակի վրա։
• Տրամադրել առաջին բուժօգնություն անհրաժեշտության դեպքում։
• Կատարել վերքերի մշակում և վիրակապում՝ ըստ բժշկական ցուցումների։
• Կազմակերպել անհրաժեշտ լաբորատոր հետազոտություններ կամ բժշկական միջամտություններ՝ համաձայն բժշկի ցուցումների։
• Անհրաժեշտության դեպքում ուղեկցել շահառուին բժշկական հաստատություն։
• Պահպանել մշտական կապ շահառուի ընտանեկան կամ բուժող բժշկի հետ

2.3 Առողջապահական խորհրդատվություն և կանխարգելիչ աշխատանք

• Տրամադրել առողջության պահպանման վերաբերյալ անհատական խորհրդատվություն։
• Խթանել առողջ ապրելակերպի և հիգիենայի պահպանումը։
• Տեղեկացնել շահառուներին առողջական վիճակի վատթարացման կանխարգելման միջոցների մասին։

 2.4 Բազմամասնագիտական համագործակցություն

• Համագործակցել սոցիալական աշխատողի, հոգեբանի, ընտանիքի մենթորի և այլ մասնագետների հետ։
• Մասնակցել դեպքերի քննարկումներին։
• Տրամադրել առողջական դիտարկումներ անհատական միջամտությունների պլանավորման գործընթացում։

2.5 Փաստաթղթավորում և հաշվետվություն

• Վարել տնայցերի և իրականացված միջամտությունների ճշգրիտ փաստաթղթավորում։
• Պահպանել շահառուների առողջական տվյալների գաղտնիությունը։
• Ներկայացնել պարբերական հաշվետվություններ Ծառայության սուպերվիզորին։
• Մասնակցել մոնիթորինգի և գնահատման գործընթացներին։

2.6 Այլ պարտականություններ

• Մասնակցել վերապատրաստումներին և մասնագիտական հանդիպումներին։
• Աջակցել դոնորային և գնահատման գործընթացներին անհրաժեշտության դեպքում։
• Կատարել պաշտոնի շրջանակում սահմանված այլ պարտականություններ։

3․ Առաջադրվող որակավորման նվազագույն պահանջները.

• Բուժքույրական համապատասխան կրթություն։
• Բուժքույրական գործունեություն իրականացնելու լիցենզիա։
• Առնվազն 2 տարվա մասնագիտական փորձ։
• Համայնքային կամ տնայցային աշխատանքի փորձ՝ առավելություն։
• Լավ հաղորդակցման հմտություններ։
• Համակարգչային գրագիտություն (MS Office, առցանց հարթակներ)։

4. Հայտերի ներկայացման կարգ

Հետաքրքրված թեկնածուները պետք է մինչև 10/03/2025 թ. ներկայացնեն հետևյալ փաստաթղթերը՝

• Ինքնակենսագրական (CV),
• Կրթությունը և մասնագիտական որակավորումը հավաստող փաստաթղթերի պատճեններ (լիցենզիա, վկայականներ, փորձառությունը հիմնավորող փաստաթղթեր և այլն՝ ըստ պաշտոնի)

Փաստաթղթերը պետք է ուղարկել էլեկտրոնային տարբերակով հետևյալ էլհասցեին՝ procurement@aasw.org :

Էլ. նամակի թեմայի տողում անհրաժեշտ է նշել համապատասխան լոտի համարը և պաշտոնի անվանումը։

Միայն կարճ ցուցակում ընդգրկված թեկնածուները կհրավիրվեն հարցազրույցի։