Մրցույթի համար՝ AASW-RISE-006/26  

Պաշտոնը՝ դասընթացավար

Ծրագրի անվանումը՝ «ՐԱՅԶ – Հայաստան․ տեղահանված և խոցելի բնակչության վերականգնում, սոցիալական ներառում և հզորացում» ծրագիրը։                         

Ծրագրի նպատակն է՝  Հայաստանում խոցելի բնակչության, այդ թվում  Լեռնային Ղարաբաղից տեղահանվածների համար սոցիալական պաշտպանության համակարգի բարելավումը`  սոցիալական աշխատողների կարողությունների զարգացման, ինչպես նաև նոր սոցիալական ծառայությունների՝ պատրոնաժի, սոցիալական խնամքի և սոցիալ-վերականգնողական ծառայությունների հասանելիության ապահովման միջոցով։

Ծրագրի տևողությունը․ Նոյեմբեր 2024- Օգոստոս  2027                                                   

Հաշվետու է՝  Ծրագրի ղեկավարին    

Գործողության սկիզբ՝ 10/06/2026                                                                               

Գործողության ավարտ՝ 30/07/2026

1․ Բովանդակությունը և նպատակը՝

Դասընթացավարի կողմից իրականացվող աշխատանքը նպատակ ունի ապահովել ծրագրի շրջանակում սոցիալական ոլորտի մասնագետների համար իրականցվող կարողությունների զարգացման դասընթացների բովանդակային մշակումը, իրականացումը և մասնակիցների մասնագիտական գիտելիքների ու գործնական հմտությունների զարգացումը։

Դասընթացները նախատեսված են Միասնական սոցիալական ծառայության տարածքային կենտրոնների, ՏԻՄ սոցիալական աշխատողների, միջսեկտորիալ համագործակցության մեջ ներգրավված մասնագետների, հասարակական կազմակերպությունների ներկայացուցիչների, արցախցի սոցիալական աշխատողների և սոցիալական ծառայությունների ղեկավար անձնակազմի համար։

Դասընթացների ընթացքում պետք է կիրառվեն մեծահասակների կրթության և փորձառական ուսուցման մեթոդներ՝ ներառյալ ինտերակտիվ դասախոսություններ, դեպքերի քննարկումներ, սիմուլյացիոն և դերային վարժանքներ, խմբային աշխատանքներ, ռեֆլեքսիվ քննարկումներ և գործնական առաջադրանքներ։

2․ Դասընթացավարի աշխատանքային պարտականությունները

Մաս 1․ Դասընթացի բովանդակային մշակում

• Մշակել դասընթացի մանրամասն օրակարգը՝ համապատասխանեցնելով այն թիրախ խմբի կրթական կարիքներին, մասնագիտական փորձառությանը և մեծահասակների ուսուցման մեթոդաբանությանը։
• Մշակել դասընթացի թեմատիկ բովանդակությունը, ներառյալ՝ ներկայացումներ, աշխատանքային նյութեր, ուղեցույցներ և կիրառական գործիքներ։
• Մշակել դասընթացի ընթացքում կիրառվող վարժանքների, դերային խաղերի, խմբային քննարկումների և սիմուլյացիոն առաջադրանքների նկարագրությունները։
• Մշակել կրթական նպատակներով կիրառվող սոցիալական դեպքերի պատմություններ, իրավիճակային օրինակներ և գործնական սցենարներ։
• Ապահովել դասընթացի բովանդակության համապատասխանությունը սոցիալական աշխատանքի մասնագիտական և էթիկական սկզբունքներին։
• Ըստ անհրաժեշտության վերանայել և հարմարեցնել դասընթացի նյութերը՝ ելնելով մասնակիցների կարիքներից և ընթացիկ քննարկումներից։

Մաս 2․ Դասընթացների իրականացում (նախատեսվում է զույգով)

• Վարել դասընթացները՝ ապահովելով դրանց ինտերակտիվ, մասնակցային և անվտանգ ուսումնական միջավայրը։
• Ներկայացնել ինտերակտիվ դասախոսություններ՝ ըստ հաստատված օրակարգի։
• Կազմակերպել և վարել խմբային աշխատանքներ, դեպքերի քննարկումներ, սիմուլյացիոն և դերային վարժանքներ։
• Խթանել մասնակիցների ակտիվ ներգրավվածությունը, փորձի փոխանակումը և ռեֆլեքսիվ քննարկումները։
• Հաշվի առնել մասնակիցների առանձնահատուկ կրթական և մասնագիտական կարիքները։
• Ապահովել մասնագիտական հաղորդակցման, էթիկական աշխատանքի և համագործակցային մոտեցումների խթանումը դասընթացի ընթացքում։

Մաս 3․ Գնահատում և հետադարձ կապ

• Կազմակերպել մասնակիցների ակնկալիքների, կրթական կարիքների և հետադարձ կապի հավաքագրումը։
• Աջակցել դասընթացների գնահատման գործընթացին՝ տրամադրելով անհրաժեշտ տեղեկատվություն և առաջարկություններ։
• Դասընթացից հետո ներկայացնել համառոտ հաշվետվություն՝ ներառյալ իրականացված աշխատանքները, հիմնական արդյունքները, մարտահրավերները և առաջարկությունները։

3. Դասընթացների թեմատիկ շրջանակը.

Ծրագրի շրջանակում նախատեսվում են երկօրյա դասընթացներ, որոնք ներառում են սոցիալական աշխատանքի, սոցիալական պաշտպանության, միջսեկտորիալ համագործակցության և մասնագիտական դիմակայունության հետ կապված հետևյալ թեմատիկ ուղղությունները՝ ըստ թիրախ խմբերի:

1) Արցախցի սոցիալական աշխատողներ

• Վստահության վրա հիմնված հաղորդակցում սոցիալական աշխատանքում,
• Ակտիվ լսում և խորհրդատվական հաղորդակցման հմտություններ,
• Ռեֆլեքսիվ մոտեցումներ և մասնագիտական ինքնագիտակցություն,
• Մասնագիտական սահմաններ և էթիկական երկընտրանքներ,
• Մասնագիտական հուզական ծանրաբեռնվածության և երկրորդային տրավմայի կառավարում,
• Ինքնախնամքի և մասնագիտական դիմակայունության գործիքներ։

 2) ՄՍԾ Տարածքային կենտրոնների  և համայնքային սոցիալական աշխատողներ

• Սոցիալական աշխատանքի մասնագիտական մտածողություն,
• Սոցիալական ռիսկերի ճանաչում և գնահատում,
• Ճգնաժամային իրավիճակներում արագ արձագանքման ռազմավարություններ,
• Մասնագիտական սահմաններ և էթիկական որոշումների կայացում,
• Սոցիալական աշխատանքում սթորիթելինգի կիրառություն:

3)Ինտերսեկտորիալ խմբեր

• Միջսեկտորիալ համագործակցության գործնական մեխանիզմներ,
• Ուղղորդումների համակարգ և դեպքի փոխանցման գործընթացներ,
• Համագործակցության խզումների և համակարգային բացերի վերլուծություն,
• Դեպքի բազմաոլորտային միջամտություն,
• Համայնքային ռեսուրսների և աջակցության ցանցերի գնահատում,
• Համագործակցության հորիզոնական մոդելներ:

4) ՀԿ ներկայացուցիչներ

• Սոցիալական ռիսկերի ճանաչում և համայնքային արձագանք,
• Խոցելի խմբերի պաշտպանության մոտեցումներ,
• Համայնքային աջակցության և ուղղորդման մեխանիզմներ,
• Միջսեկտորիալ համագործակցություն և դեպքի համակարգում,
• Էթիկական աշխատանք և շահառուի անվտանգ ներկայացում,
• Հաղորդակցման և շահառուակենտրոն մոտեցումներ:

5) Ծառայությունների ղեկավարներ

• Սոցիալական պաշտպանության համակարգում առաջնորդություն և որոշումների կայացում,
• Միջգերատեսչական և միջսեկտորիալ համակարգման ռազմավարություններ,
• Ծառայությունների կազմակերպում և կառավարման մոտեցումներ,
• Համակարգային համագործակցության և ուղղորդումների քաղաքականություններ,
• Կառավարման պատասխանատվությունը սոցիալական պաշտպանության ոլորտում։

4․ Առաջադրվող որակավորման նվազագույն պահանջները.

• Բարձրագույն կրթություն սոցիալական աշխատանքի, հոգեբանության բնագավառում (մագիստրոսի աստիճանը՝ առավելություն),
• Առնվազն 7 տարվա աշխատանքային փորձ սոցիալական աշխատանքի ոլորտում։
• Սոցիալական ծառայությունների մասնագետների համար դասընթացների մշակման և վարման փորձ։
• Սոցիալական պաշտպանության ոլորտի, սոցիալական աշխատանքի սկզբունքների և էթիկական չափանիշների իմացություն։

5. Դիմելու ընթացակարգը

Հետաքրքրված թեկնածուները պետք է ներկայացնեն՝

• Ինքնակենսագրական (CV),
• Տեխնիկական առաջարկ՝ ներկայացնելով դասընթացների վարման և ուսուցման մոտեցումները,
• Ֆինանսական առաջարկ՝ դասընթացի մեկ ամբողջ օրվա արժեք։

Դիմումները պետք է ուղարկվեն procurement@aasw.org հասցեին՝ նամակի թեմայում նշելով «Դասընթացավար»։

Դիմելու վերջնաժամկետը 5 հունիսի, 2026 թ.: