Մեր թիմին միանալու համար փնտրում ենք սոցիալական աշխատանքի սուպերվիզորների, սոցիալական աշխատողների, հոգեբանների և վարորդների՝ Գորիս, Վայք, Աբովյան, Աշտարակ, Մարտունի և Մասիս համայնքներում, այդ թվում հարակից բնակավայրերում, Արցախից բռնի տեղահանված ընտանիքների հետ աշխատելու համար։

Աշխատանքները ներառելու են կանոնավոր սոցիալ-հոգեբանական աջակցության ցուցաբերումը նշված համայնքներում բնակվող Արցախից բռնի տեղահանված ընտանիքներին հետևյալ ձևաչափերով՝ արտագնա (մոբիլ) և կենտրոնում։

Սոցիալական աշխատանքի սուպերվիզորների աշխատանքային պարտականությունները ներառելու են՝

• Կազմակերպել և իրականացնել մասնագիտական թիմի աշխատանքի համակարգումը, անհատական և խմբային սուպերվիզիա՝ ապահովելով մասնագիտական աճը և որակի բարելավումը։
• Վերահսկել դեպքերի գնահատման, պլանավորման, միջամտության և փակման գործընթացների համապատասխանությունը հաստատված մեթոդաբանությանը։
• Կազմակերպել կանոնավոր դեպքերի քննարկումներ՝ բարդ դեպքերի վերլուծության, որոշումների հիմնավորման և լավագույն լուծումների մշակման նպատակով։
• Վերահսկել ծառայությունների մատուցման որակը՝ ապահովելով մասնագիտական ստանդարտների և էթիկական նորմերի պահպանումը։
• Ապահովել սոցիալական աշխատանքի էթիկական սկզբունքների պահպանումը, քննարկել էթիկական դիլեմաները և առաջարկել լուծումներ։
• Վերահսկել դեպքերի փաստաթղթավորման ամբողջականությունն ու որակը (գնահատումներ, պլաններ, հաշվետվություններ, սոցիալական պատմություններ և այլն)։
• Ապահովել միջգերատեսչական համագործակցություն համայնքի պետական և տեղական ինքնակառավարման մարմինների հետ:

Սոցիալական աշխատողների աշխատանքային պարտականությունները ներառելու են․ 

• ընտանիքների կարիքների և ռեսուրսների գնահատումը (միջավայրային, վարքագծային, հուզական և սոցիալական գործոններ),
• տնայցերի իրականացումը (գնահատման, խորհրդատվության տրամադրման և շարունակական վերահսկողության նպատակներով),
• ընտանիքների հետ աշխատանքի պլանավորումը և միջամտությունը,
• ընտանիքների՝ իրենց բնակության համայնքներում ինտեգրման գործընթացին աջակցելը,
• ռիսկային/խոցելի ընտանիքների/ անհատների հայտնաբերումը,
• սոցիալական խորհրդատվությունների տրամադրումը,
• ինքնօգնության և փոխօգնության խմբերի ձևավորումն ու վարումը,
• գրառումների, արձանագրությունների, բազաներ վարումը, հաշվետվությունների կազմումը, դեպքերի ամբողջական փաստաթղթավորումը, 
• կամավորների ներգրավումն ու նրանց հետ աշխատանքի կազմակերպումը, 
• սերտ համագործակցությունը համայնքում գործող պետական և ոչ պետական ծառայությունների/կառույցների հետ,
• սերտ համագործակցությունը ծրագրային թիմի և կազմակերպության աշխատակազմի հետ,
• մասնակցությունը կարողությունների զարգացման դասընթացներին, հանդիպումներին,
• այլ առնչվող գործառույթների իրականացումը։

Հոգեբանի աշխատանքային պարտականությունները ներառելու են․ 

• անհատական և խմբային ձևաչափերով հոգեբանական խորհրդատվության տրամադրումը,
• տեղահանված անհատների հոգեբանական բարեկեցության գնահատումը (ըստ համապատասխան սանդղակների),
• հոգեբանական խորհրդատվության և թերապիայի տրամադրման պլանավորումը,
• հոգեբանական խորհրդատվական և թերապևտիկ սեսիաների իրականացումը,
• ինքնօգնության և փոխօգնության խմբերի ձևավորումն ու վարումը,
• գրառումների, բազաներ վարումը, հաշվետվությունների կազմումը,  
• սերտ համագործակցությունը ծրագրային թիմի և կազմակերպության աշխատակազմի հետ,
• մասնակցությունը կարողությունների զարգացման դասընթացներին, հանդիպումներին,
• այլ առնչվող գործառույթների իրականացումը։

Վարորդի աշխատանքային պարտականությունները ներառելու են.

• Ապահովել կենտրոնի աշխատակիցների և անհրաժեշտության դեպքում շահառուների անվտանգ և ժամանակին տեղափոխումը,
• Իրականացնել ծառայողական ուղևորություններ՝ ըստ հաստատված գրաֆիկի և առաջադրանքների,
• Մեքենան պահել սարքին և կոկիկ վիճակում,
• Վարել ուղևորությունների հաշվառման մատյան (երթուղային թերթիկներ, վառելիքի ծախս և այլն),
• Պահպանել երթևեկության կանոնները և ապահովել անվտանգ վարում,
• Աջակցել արտագնա ծառայությունների իրականացմանը, այդ թվում տունայցերի ընթացքում ուղեկցել սոցիալական աշխատողներին,
• Պահպանել աշխատանքային կարգապահությունը, գաղտնիությունը և էթիկական նորմերը շահառուների հետ շփման ընթացքում:

Կազմակերպությունը չի տրամադրելու առանձին մեքենա, վարորդն աշխատանքը կատարելու է իր սեփական մեքենայով:

Պահանջվող գիտելիքներ և հմտություններ.

• գրավոր և բանավոր հաղորդակցման հմտություններ,
• համակարգչով և ժամանակակից այլ տեխնիկական միջոցներով աշխատելու հմտություն,
• մեծ նվիրում և աշխատելու կարողություն ճկուն միջավայրում,
• արագ սովորելու և սեղմ ժամկետներում աշխատելու ունակություն,
• խնդիրները լուծելու և անսովոր իրավիճակներում արագ կողմնորոշվելու ունակություն:

Պահանջվող որակավորումներ և փորձ․

• ոլորտային մասնագիտական կրթություն,
• սոցիալական ոլորտում աշխատանքի փորձառությունը,
• ՀԿ ոլորտում փորձառությունը կդիտարկվի որպես առավելություն,
• Արցախում սոցիալական աշխատանքի փորձը կդիտարկվի որպես առավելություն։

Հետաքրքրված անձինք կարող են ինքնակենսագրական (CV) ուղարկել infoaasw@gmail.com էլհասցեին՝ նամակի Թեմա հատվածում նշելով հաստիքի անվանումը:

Դիմելու վերջնաժամկետը՝ 29 հոկտեմբերի, 2023: