Հաստիք՝ Սոցիալական աշխատող

Աշխատանքի վայր՝ Գեղարքունիքի մարզ, ք․ Մարտունի (Մարտունու երեխաների ցերեկային կենտրոն)

Սոցիալական աշխատողը հաշվետու է՝ Ծրագրի սուպերվիզորին

Սոցիալական աշխատողի ներգրավումը նախատեսվում է «Հզոր քաղաքացիական հասարակություն հանուն երեխաների հզորացված պաշտպանության» ծրագրի շրջանակում, որն իրականացվում է World Vision Germany և Վորլդ Վիժն Հայաստան երեխաների պաշտպանության հիմնադրամի ղեկավարությամբ՝ համագործակցելով Երեխաների պաշտպանության ցանց, Հայաստանի Սոցիալական Աշխատողների Ասոցիացիա, Արմավիրի Զարգացման Կենտրոն և Տահույս կազմակերպությունների հետ՝ Գերմանիայի տնտեսական համագործակցության և զարգացման դաշնային նախարարության ֆինանսական աջակցությամբ։

Կենտրոնի նպատակը և պաշտոնի հիմնական նկարագիրը. Մարտունու երեխաների ցերեկային կենտրոնը գործարկվում է ՀՍԱԱ-ի կողմից և նպատակ ունի ապահովել խոցելի իրավիճակում գտնվող երեխաների պաշտպանությունը, հոգեսոցիալական աջակցությունը, սոցիալական ներառումը և զարգացման հնարավորությունները։ Սոցիալական աշխատողը պատասխանատու է տեղահանված և խոցելի անձանց ու ընտանիքների (հատկապես երեխաների և դեռահասների) համար համապարփակ սոցիալ-հոգեբանական աջակցության տրամադրման, ինչպես նաև նրանց զարգացմանն ուղղված կրթական ու ինտերակտիվ դասընթացների կազմակերպման համար՝ նպաստելով նրանց սոցիալական վերականգնմանը, դիմակայունության բարձրացմանը և համայնքային ինտեգրմանը։

Հիմնական պարտականություններ

1. Դեպքի վարում և անհատական աշխատանք

• Իրականացնել շահառուների կրթական, սոցիալական և հոգեսոցիալական կարիքների համապարփակ գնահատում։

• Մշակել և իրականացնել անհատական դեպքի կառավարման պլաններ։

• Կազմակերպել և անցկացնել անհատական խորհրդատվություններ (տրավմա, սթրես, տեղահանության հետևանքներ)։

• Հետևել դեպքերի ընթացքին, ապահովել շարունակական աջակցություն, անհրաժեշտության դեպքում իրականացնել ուղեկցում և ուղղորդում համապատասխան ծառայություններ։

2. Դասընթացների վարում և կրթական ծրագրերի մշակում

• Մշակել տարբեր տարիքային և թիրախային խմբերի կարիքներին համապատասխանեցված ոչ ֆորմալ կրթական ծրագրեր, դասընթացային մոդուլներ և մեթոդական նյութեր։

• Կազմակերպել և վարել ինտերակտիվ խմբային դասընթացներ, ճանաչողական ու զարգացնող սեսիաներ, թիմային ակտիվություններ և դերային խաղեր՝ ապահովելով մասնակցային, ներառական և անվտանգ միջավայր։

• Դասընթացներն իրականացնել հետևյալ առանցքային թեմատիկ ուղղություններով՝ ինքնաճանաչում և կյանքի հմտություններ, արդյունավետ հաղորդակցություն, բուլինգի կանխարգելում, հուզական և մեդիագրագիտություն, կոնֆլիկտների կառավարում, ֆինանսական գրագիտություն և ժամանակի կառավարում։

3. Շահառուների կարողությունների զարգացում և համայնքային ներգրավում

• Աջակցել շահառուներին ինքնուրույն որոշումներ կայացնելու և սեփական իրավունքները պաշտպանելու հարցում։

• Նպաստել երեխաների և դեռահասների սոցիալական հմտությունների զարգացմանը, ինքնավստահության բարձրացմանը և նրանց ակտիվ ներգրավվածությանը համայնքային նախաձեռնություններում։

• Կազմակերպել խմբային հանդիպումներ՝ փորձի փոխանակման և համայնքային կապերի ամրապնդման նպատակով։

4. Թիմային համագործակցություն, փաստաթղթավորում և հաշվետվություն

• Սերտորեն համագործակցել կենտրոնի հոգեբանի և այլ մասնագետների հետ՝ ապահովելով դասընթացների և միջամտությունների համահունչ ընթացքը կենտրոնի ընդհանուր նպատակներին։

• Վարել շահառուների հետ աշխատանքի փաստաթղթավորում (գրանցումներ, դեպքի պլաններ, դասընթացների օրակարգեր, մասնակցության մատյաններ)։

• Պահպանել տվյալների գաղտնիությունը։

• Պատրաստել պարբերական (ամսական) հաշվետվություններ՝ միջամտությունների ազդեցության, առաջընթացի և կրթական ծրագրերի արդյունավետության վերաբերյալ։

Պահանջվող որակավորումներ

• Բարձրագույն կրթություն սոցիալական աշխատանքի ոլորտում կամ գտնվել տվյալ մասնագիտությամբ ուսումնառության գործընթացում։

• Փորձը սոցիալական ծառայությունների մատուցման և/կամ ոչ ֆորմալ կրթության (դասընթացների վարման) ոլորտում դիտարկվում է որպես առավելություն։

• Գործնական հմտություններ շահառուների (հատկապես երեխաների և ծնողների) հետ արդյունավետ ու ներառական հաղորդակցման մեջ։

• Թիմում աշխատելու և ինքնուրույն որոշումներ կայացնելու կարողություն։

• Բարձր պատասխանատվություն և մասնագիտական էթիկայի պահպանում։

Դիմելու կարգը

Հետաքրքրված թեկնածուները կարող են ուղարկել իրենց ինքնակենսագրականը (CV) procurement@aasw.org էլ․ հասցեին՝ նամակի թեմա (subject) դաշտում նշելով պաշտոնի անվանումը («Մարտունի - Սոցիալական աշխատող-S04-AASW-26»):

Դիմումների ընդունման վերջնաժամկետն է՝ 30.07.2026թ.։