Հայաստանի սոցիալական աշխատողների ասոցիացիան հրավիրում է մասնագետների միանալ իր Սոցիալական աշխատանքի կենտրոնների թիմերին՝ որպես հոգեբան։

Սոցիալական աշխատանքի կենտրոնները տրամադրում են սոցիալ-հոգեբանական և սոցիալ-տնտեսական աջակցություն տեղահանված և խոցելի բնակչությանը՝ նպաստելով նրանց սոցիալական ակտիվացմանը, հոգեբանական կայունությանը և համայնքային ներառմանը։ Հոգեբանը պատասխանատու է շահառուների հոգեկան առողջության աջակցության, տրավմայի հաղթահարման, ինչպես նաև սոցիալական աշխատողների հետ համատեղ միջամտությունների իրականացման համար։

Աշխատանքի վայրը

Աշխատանքը նախատեսվում է հետևյալ համայնքներում՝

• Արմավիր (ներառյալ՝ Արմավիր և Վաղարշապատ համայնքները)
• Հրազդան (Հրազդան խոշորացված համայնք)
• Աբովյան (Աբովյան խոշորացված համայնք)
• Մասիս (Մասիս խոշորացված համայնք)
• Գորիս (Գորիս խոշորացված համայնք)

Թեկնածուները դիմելիս պետք է նշեն իրենց նախընտրելի համայնք(ներ)ը։

Աշխատանքի տևողությունը

2026 թվականի ապրիլի 1-ից մինչև դեկտեմբերի 30-ը։

Աշխատանքի նպատակը

Ապահովել շահառուների հոգեբանական աջակցությունը՝ նպաստելով նրանց հոգեկան բարեկեցությանը, դիմակայության կարողությունների զարգացմանը և սոցիալական ինտեգրմանը։

Պարտականությունների շրջանակը

Հոգեբանական գնահատում և աջակցություն

• Իրականացնել շահառուների հոգեբանական կարիքների գնահատում
• Տրամադրել անհատական խորհրդատվություն
• Իրականացնել կարճաժամկետ աջակցող և ուղղորդող միջամտություններ
• Աշխատել սթրեսի, տրավմայի և ճգնաժամային իրավիճակների հաղթահարման ուղղությամբ

Խմբային աշխատանք և հոգեբանական հզորացում

• Կազմակերպել խմբային հանդիպումներ և հոգեբանական աջակցության խմբեր
• Զարգացնել շահառուների հուզական կարգավորման և հաղորդակցման հմտությունները
• Նպաստել ինքնավստահության և ներքին ռեսուրսների ակտիվացմանը

Տրավմա-իրազեկ և ինտեգրված աշխատանք

• Կիրառել տրավմա-իրազեկ մոտեցումներ
• Աջակցել սոցիալական աշխատողներին դեպքերի կառավարման գործընթացում
• Համատեղ մշակել միջամտություններ՝ սոցիալական և հոգեբանական բաղադրիչների համադրությամբ
• Նպաստել շահառուների սոցիալական ակտիվացմանը հոգեբանական աջակցության միջոցով

Թիմային համագործակցություն

• Աշխատել բազմամասնագիտական թիմի կազմում
• Մասնակցել դեպքերի քննարկումներին
• Տրամադրել մասնագիտական եզրակացություններ և առաջարկություններ

Փաստաթղթավորում և հաշվետվություն

• Վարել խորհրդատվությունների և միջամտությունների փաստաթղթավորում
• Ապահովել տվյալների գաղտնիությունը
• Ներկայացնել պարբերական հաշվետվություններ
• Մասնակցել մոնիթորինգի և գնահատման գործընթացներին

Պահանջվող որակավորումներ և հմտություններ

• Բարձրագույն կրթություն հոգեբանության ոլորտում
• Առնվազն 2 տարվա աշխատանքային փորձ
• Խոցելի խմբերի, այդ թվում տեղահանված անձանց հետ աշխատանքի փորձը՝ առավելություն
• Տրավմայի և ճգնաժամային իրավիճակների հետ աշխատանքի փորձ՝ առավելություն
• Թիմում աշխատելու կարողություն
• Համակարգչային գրագիտություն (MS Office, առցանց գործիքներ)
• Հայերենի գերազանց իմացություն (անգլերենի իմացությունը՝ առավելություն)

Դիմելու կարգ

Հետաքրքրված թեկնածուները կարող են դիմել՝ ներկայացնելով հետևյալ փաստաթղթերը՝

• ինքնակենսագրական (CV)
• մոտիվացիոն նամակ (առավելագույնը՝ 1 էջ), որտեղ պետք է հստակ նշվի՝
  • դիմած պաշտոնը
  • նախընտրելի աշխատանքի վայրը

Դիմումները անհրաժեշտ է ուղարկել procurement@aasw.org էլեկտրոնային հասցեին՝ թեմայի դաշտում նշելով՝ «Հոգեբան – [համայնք]»

Դիմումների ընդունման վերջնաժամկետ՝ 28.03.2026 թ․

Միայն նախնական ընտրությունը հաղթահարած թեկնածուները կհրավիրվեն հարցազրույցի, որը կարող է ներառել նաև գործնական առաջադրանք։