Հայաստանի սոցիալական աշխատողների ասոցիացիան հրավիրում է մասնագետների միանալ իր Սոցիալական աշխատանքի կենտրոնների թիմերին՝ որպես սոցիալական աշխատող։

Սոցիալական աշխատանքի կենտրոնները տրամադրում են սոցիալ-հոգեբանական և սոցիալ-տնտեսական աջակցություն տեղահանված և խոցելի բնակչությանը՝ միաժամանակ նպաստելով նրանց սոցիալական ակտիվացմանը, ինքնուրույնության բարձրացմանը և համայնքային ներառմանը։ Սոցիալական աշխատողը պատասխանատու է շահառուների հետ անմիջական աշխատանքի, դեպքերի վարման, ինչպես նաև սոցիալ-տնտեսական ակտիվացման և դրական ուղեկցման գործընթացների իրականացման համար։

Աշխատանքի վայր

Աշխատանքը նախատեսվում է հետևյալ համայնքներում՝

• Արմավիր (ներառյալ՝ Արմավիր և Վաղարշապատ համայնքները)
• Հրազդան (Հրազդան խոշորացված համայնք)
• Աբովյան (Աբովյան խոշորացված համայնք)
• Մասիս (Մասիս խոշորացված համայնք)
• Գորիս (Գորիս խոշորացված համայնք)

Թեկնածուները դիմելիս պետք է նշեն իրենց նախընտրելի համայնքը։

Աշխատանքի տևողությունը

2026 թվականի ապրիլի 1-ից մինչև դեկտեմբերի 30-ը։

Աշխատանքի նպատակ

Ապահովել շահառուների համալիր սոցիալական աջակցությունը՝ դեպքերի հետ աշխատանքի մեթոդաբանությամբ՝ խթանելով նրանց սոցիալ-տնտեսական ակտիվացումը, կարողությունների զարգացումը և կայուն ինքնաբավության ձեռքբերումը։

Պարտականությունների շրջանակը

Դեպքերի վարում և կարիքների գնահատում

• Իրականացնել շահառուների սոցիալական, տնտեսական և հոգեսոցիալական կարիքների համակողմանի գնահատում,
• Մշակել անհատական սոցիալական ծրագրեր՝ հստակ նպատակներով և չափելի արդյունքներով,
• Ապահովել շահառուի ակտիվ մասնակցությունը ծրագրի մշակման և իրականացման գործընթացում,
• Պարբերաբար վերանայել և թարմացնել միջամտության պլանները։

Սոցիալ-տնտեսական ակտիվացում և դրական ուղեկցում

• Աջակցել շահառուներին զբաղվածության, եկամտաստեղծ գործունեության և ինքնազբաղվածության հնարավորությունների բացահայտման և օգտագործման հարցում,
• Նպաստել շահառուների հմտությունների զարգացմանը (կյանքի հմտություններ, աշխատանքի պատրաստվածություն և այլն),
• Իրականացնել շահառուների շարունակական ուղեկցում՝ ապահովելով կայուն արդյունքներ,
• Աջակցել շահառուներին նպատակների սահմանման, մոտիվացիայի պահպանման և առաջընթացի գնահատման հարցում,
• Նպաստել շահառուների ակտիվ մասնակցությանը ծրագրերին և համայնքային կյանքին։

Սոցիալական խորհրդատվություն և աջակցություն

• Իրականացնել անհատական խորհրդատվություններ,
• Կազմակերպել խմբային հանդիպումներ և փոխօգնության խմբեր,
• Աջակցել շահառուներին սոցիալական խնդիրների հաղթահարման հարցում,
• Ապահովել ծառայությունների շարունակականություն և հասանելիություն։

Ուղղորդում և միջգերատեսչական համագործակցություն

• Կազմակերպել շահառուների ուղղորդումը համապատասխան ծառայություններ (առողջապահություն, կրթություն, զբաղվածություն և այլն),
• Անհրաժեշտության դեպքում ուղեկցել շահառուներին ծառայություններից օգտվելու գործընթացում,
• Հետևել ուղղորդման արդյունքներին և արդյունավետությանը,
• Համագործակցել ՏԻՄ-երի, ՄՍԾ ՏԿ-ների և այլ կառույցների հետ։

Թիմային համագործակցություն

• Աշխատել բազմամասնագիտական թիմի կազմում,
• Մասնակցել դեպքերի քննարկումներին։

Փաստաթղթավորում և հաշվետվություն

• Վարել դեպքերի ամբողջական փաստաթղթավորում՝ սահմանված ձևաչափերով,
• Ապահովել տվյալների ճշգրտությունն ու գաղտնիությունը,
• Ներկայացնել պարբերական հաշվետվություններ,
• Մասնակցել մոնիթորինգի և գնահատման գործընթացներին։

Պահանջվող որակավորումներ և հմտություններ

• Բարձրագույն կրթություն սոցիալական աշխատանքի ոլորտում,
• Առնվազն 2 տարվա մասնագիտական փորձ սոցիալական աշխատանքի ոլորտում,
• Սոցիալ-տնտեսական ծրագրերի կամ զբաղվածության հետ կապված աշխատանքի փորձը՝ կդիտարկվի որպես առավելություն,
• Խոցելի խմբերի հետ աշխատանքի փորձ՝ առավելություն,
• Համակարգչային գրագիտություն (MS Office, առցանց գործիքներ),
• Հայերենի գերազանց իմացություն (անգլերենի իմացությունը՝ առավելություն)։

Դիմելու կարգ

Հետաքրքրված թեկնածուները կարող են դիմել՝ ներկայացնելով հետևյալ փաստաթղթերը՝

• ինքնակենսագրական (CV)
• մոտիվացիոն նամակ (առավելագույնը՝ 1 էջ), որտեղ պետք է հստակ նշվի՝
  • դիմած պաշտոնը
  • նախընտրելի աշխատանքի վայրը

Դիմումները անհրաժեշտ է ուղարկել procurement@aasw.org էլեկտրոնային հասցեին՝ թեմայի դաշտում նշելով՝ «Սոցիալական աշխատող – [համայնք]»

Դիմումների ընդունման վերջնաժամկետ՝ 28.03.2026 թ․

Միայն նախնական ընտրությունը հաղթահարած թեկնածուները կհրավիրվեն հարցազրույցի, որը կարող է ներառել նաև գործնական առաջադրանք։