Հայաստանի սոցիալական աշխատողների ասոցիացիան հրավիրում է համապատասխան որակավորում ունեցող մասնագետների միանալ իր Սոցիալական աշխատանքի կենտրոնների թիմերին՝ որպես թիմի համակարգող։

Ծրագրի շրջանակում կենտրոնները տրամադրում են սոցիալ-հոգեբանական և սոցիալ-տնտեսական աջակցություն տեղահանված և խոցելի բնակչությանը՝ միաժամանակ նպաստելով նրանց համայնքային ներառմանը։ Թիմի համակարգողը պատասխանատու է հաբի բազմամասնագիտական թիմի ամենօրյա համակարգման համար՝ ապահովելով ծառայությունների արդյունավետ մատուցումը, աշխատանքային գործընթացների սահուն կազմակերպումը և գործողությունների ժամանակին իրականացումը։

Աշխատանքի վայր(եր)ը

Աշխատանքը նախատեսվում է հետևյալ համայնքներում՝

• Արմավիր (ներառյալ՝ Արմավիր և Վաղարշապատ համայնքները)
• Հրազդան (Հրազդան խոշորացված համայնք)
• Աբովյան (Աբովյան խոշորացված համայնք)
• Մասիս (Մասիս խոշորացված համայնք)
• Գորիս (Գորիս խոշորացված համայնք)

Թեկնածուները դիմելիս պետք է նշեն իրենց նախընտրելի համայնք(ներ)ը։

Պայմանագրի տևողությունը

2026 թվականի ապրիլի 1-ից մինչև դեկտեմբերի 30-ը։

Պաշտոնի նպատակը

Ապահովել բազմամասնագիտական թիմի արդյունավետ ամենօրյա համակարգումը և գործառնական կառավարումը՝ նպաստելով հաբում մատուցվող սոցիալական ծառայությունների որակի, հասանելիության և շարունակականության ապահովմանը։

Պարտականությունների շրջանակը

Գործառնական և թիմային համակարգում

• Համակարգել բազմամասնագիտական թիմի (սոցիալական աշխատողներ, հոգեբան և այլ մասնագետներ) ամենօրյա գործունեությունը
• Մշակել և վերահսկել աշխատանքային գրաֆիկները՝ ներառյալ տնայցերը և խմբային հանդիպումները
• Ապահովել պլանավորված գործողությունների և միջամտությունների ժամանակին իրականացումը
• Լուծել գործառնական խնդիրները և բարդ դեպքերը ներկայացնել հաբի սուպերվիզորին
• Ապահովել թիմի ներսում արդյունավետ հաղորդակցություն

Դեպքերի համակարգում և ծառայությունների տրամադրում

• Աջակցել անհատական դեպքերի վարման գործընթացների կազմակերպմանը և հետևել դրանց իրականացմանը
• Վերահսկել անհատական միջամտության պլանների իրականացումը՝ ապահովելով նպատակների և ժամկետների պահպանումը
• Մասնակցել դեպքերի քննարկումներին և կոնֆերանսներին
• Ապահովել տարբեր ծառայությունների միջև համակարգված աշխատանք (ներառյալ արտագնա/տնայցերի և համայնքային ծառայությունները)
• Կազմակերպել ուղղորդումներ և հետևել ծառայությունների արդյունքներին

Ծառայությունների համակարգում

• Համակարգել հաբում մատուցվող ծառայությունները
• Վերահսկել շահառուների մասնակցությունն ու ներգրավվածությունը
• Ապահովել, որ ծառայությունները մատուցվեն սահմանված չափորոշիչներին և ընթացակարգերին համապատասխան
• Աջակցել սուպերվիզորին ծառայությունների հասանելիության և շարունակականության ապահովման հարցերում

Համայնքային և շահագրգիռ կողմերի հետ համագործակցություն

• Ապահովել հաղորդակցությունը տեղական ինքնակառավարման մարմինների, ՄՍԾ տարածքային կենտրոնների և այլ ծառայությունների հետ
• Աջակցել համակարգող հանդիպումների կազմակերպմանը շահագրգիռ կողմերի հետ
• Պահպանել և թարմացնել համայնքում առկա ռեսուրսների և ուղղորդման ուղիների վերաբերյալ տեղեկատվությունը

Փաստաթղթավորում, հաշվետվություն և տվյալների կառավարում

• Ապահովել ծառայությունների մատուցման գործունեության ճշգրիտ և ժամանակին փաստաթղթավորում
• Վերահսկել թիմի անդամների կողմից դեպքերի փաստաթղթավորման պատշաճ իրականացումը
• Պատրաստել պարբերական գործառնական հաշվետվություններ սուպերվիզորի համար
• Աջակցել տվյալների հավաքագրման և ծառայությունների արդյունավետության մոնիթորինգի գործընթացներին
• Ապահովել տվյալների պաշտպանության և գաղտնիության սկզբունքների պահպանումը

Այլ պարտականություններ

• Աջակցել սուպերվիզորին ներքին մոնիթորինգի գործընթացներում
• Մասնակցել դոնորների այցերին, համակարգող հանդիպումներին և գնահատման գործընթացներին՝ անհրաժեշտության դեպքում
• Կատարել պաշտոնի շրջանակում սահմանված այլ պարտականություններ

Պահանջվող որակավորումներ և հմտություններ

• Բարձրագույն կրթություն սոցիալական աշխատանքի, կառավարման կամ հարակից ոլորտներում
• Առնվազն 3 տարվա մասնագիտական փորձ սոցիալական ծառայությունների կամ համայնքային ծրագրերի ոլորտում
• Առնվազն 2 տարվա փորձ թիմի համակարգման կամ ծրագրերի իրականացման ոլորտում
• Խոցելի խմբերի, այդ թվում տեղահանված անձանց հետ աշխատանքի փորձը կդիտվի որպես առավելություն
• Ուժեղ կազմակերպչական, համակարգման և հաղորդակցման հմտություններ
• Համակարգչային գրագիտություն (MS Office և տվյալների կառավարման հիմնական գործիքներ)
• Հայերենի գերազանց իմացություն (անգլերենի իմացությունը կդիտվի որպես առավելություն)

Դիմելու կարգ

Հետաքրքրված թեկնածուները կարող են դիմել՝ ներկայացնելով հետևյալ փաստաթղթերը՝

• ինքնակենսագրական (CV)
• մոտիվացիոն նամակ (առավելագույնը՝ 1 էջ), որտեղ պետք է հստակ նշվի՝
  • դիմած պաշտոնը
  • նախընտրելի աշխատանքի վայրը

Դիմումները անհրաժեշտ է ուղարկել procurement@aasw.org էլեկտրոնային հասցեին՝ թեմայի դաշտում նշելով՝ «Սոցիալական աշխատանքի կենտրոնի թիմի համակարգող – [համայնք]»

Դիմումների ընդունման վերջնաժամկետ՝ 28.03.2026 թ․

Միայն նախնական ընտրությունը հաղթահարած թեկնածուները կհրավիրվեն հարցազրույցի, որը կարող է ներառել նաև գործնական առաջադրանք։