Հայաստանի սոցիալական աշխատողների ասոցիացիան հրավիրում է մասնագետների միանալ իր Սոցիալական աշխատանքի կենտրոնների թիմերին՝ որպես Կենտրոնի սուպերվիզոր։
Ծրագրի շրջանակում կենտրոնները տրամադրում են սոցիալ-հոգեբանական և սոցիալ-տնտեսական աջակցություն տեղահանված և խոցելի բնակչությանը, ինչպես նաև նպաստում են նրանց համայնքային ներառմանը։ Սուպերվիզորը պատասխանատու է ոչ միայն մասնագիտական սուպերվիզիայի, այլև կենտրոնի ծառայությունների համակարգման, թիմի աշխատանքի կազմակերպման և ծառայությունների որակի ապահովման համար։

Աշխատանքի վայր(եր)ը

Աշխատանքը նախատեսվում է հետևյալ համայնքներում՝

• Արմավիր (ներառյալ՝ Արմավիր և Վաղարշապատ համայնքները)
• Հրազդան (Հրազդան խոշորացված համայնք)
• Աբովյան (Աբովյան խոշորացված համայնք)
• Մասիս (Մասիս խոշորացված համայնք)
• Գորիս (Գորիս խոշորացված համայնք)

Թեկնածուները դիմելիս պետք է նշեն իրենց նախընտրելի համայնք(ներ)ը։

Աշխատանքի տևողությունը

2026 թվականի ապրիլի 1-ից մինչև դեկտեմբերի 30-ը։

Աշխատանքի նպատակը

Ապահովել կենտրոնի բազմամասնագիտական թիմի կողմից մատուցվող սոցիալական ծառայությունների բարձր որակը, դրանց արդյունավետ կազմակերպումը և հասանելիությունը՝ համատեղելով մասնագիտական սուպերվիզիան, դեպքերի վարման վերահսկումը և ծառայությունների համակարգումը։

Հիմնական պարտականությունների շրջանակը

Մասնագիտական սուպերվիզիա և կարողությունների զարգացում

• Իրականացնել սոցիալական աշխատողների և թիմի այլ անդամների պարբերական անհատական և խմբային սուպերվիզիա,
• Վերլուծել մասնագետների վարած դեպքերը և տրամադրել մասնագիտական հետադարձ կապ,
• Բացահայտել վերապատրաստման և մասնագիտական աջակցության կարիքները,
• Կազմակերպել թիմային ուսուցողական հանդիպումներ և մասնագիտական քննարկումներ։

Դեպքերի վարում և միջամտությունների որակի ապահովում

• Վերահսկել դեպքերի վարման ամբողջ գործընթացը և ապահովել դրա համապատասխանությունը մասնագիտական չափանիշներին,
• Կազմակերպել դեպքերի քննարկումներ՝ ներգրավելով համապատասխան կառույցներին,
• Վերանայել և հաստատել անհատական միջամտության պլանները,
• Ապահովել ծառայությունների պարբերական վերագնահատումը,
• Հետևել, որ միջամտությունները լինեն շահառուի լավագույն շահին համապատասխան։

Ծառայությունների համակարգում և թիմի աշխատանքի կազմակերպում

• Համակարգել կենտրոնում իրականացվող ծառայությունները (ներառյալ՝ համայնքային և շարժական/այցելային աշխատանքը),
• Ապահովել բազմամասնագիտական թիմի համադրված աշխատանքը,
• Վերահսկել աշխատանքային բեռնվածության բաշխումը,
• Ապահովել ծառայությունների շարունակականությունն ու հասանելիությունը,
• Հետևել շահառուների գրանցման և ուղղորդման գործընթացներին։

Համայնքային համագործակցություն և համակարգում

• Զարգացնել և ամրապնդել համագործակցությունը ՏԻՄ-երի, ՄՍԾ ՏԿ-ների և այլ ծառայությունների հետ,
• Մասնակցել միջգերատեսչական հանդիպումների,
• Կազմակերպել հանդիպումներ շահագրգիռ կողմերի հետ։

Որակի մոնիթորինգ և հաշվետվողականություն

• Իրականացնել ծառայությունների որակի ներքին գնահատում և դեպքերի ընտրանքային աուդիտ,
• Վերահսկել փաստաթղթավորման ամբողջականությունն ու ճշգրտությունը,
• Վերլուծել ծառայությունների արդյունավետությունը և առաջարկել բարելավման միջոցառումներ,
• Ապահովել տվյալների պաշտպանության և գաղտնիության սկզբունքների պահպանումը,
• Ներկայացնել պարբերական հաշվետվություններ։

Պահանջվող որակավորումներ և հմտություններ

• Բարձրագույն կրթություն սոցիալական աշխատանքի ոլորտում (մագիստրոսի աստիճանը՝ առավելություն)
• Առնվազն 5 տարվա աշխատանքային փորձ սոցիալական ոլորտում, այդ թվում սուպերվիզիայի և/կամ ծառայությունների համակարգման փորձ
• Դեպքի վարման խորքային գիտելիքներ և փորձ
• Առաջնորդության և թիմի կառավարման զարգացած հմտություններ
• Հայերենի գերազանց իմացություն (անգլերենի իմացությունը՝ առավելություն)

Դիմելու կարգը

Հետաքրքրված թեկնածուները կարող են դիմել՝ ներկայացնելով հետևյալ փաստաթղթերը՝

• ինքնակենսագրական (CV)
• մոտիվացիոն նամակ (առավելագույնը՝ 1 էջ), որտեղ պետք է հստակ նշվի՝
  • դիմած պաշտոնը
  • նախընտրելի աշխատանքի վայրը

Դիմումները անհրաժեշտ է ուղարկել procurement@aasw.org էլեկտրոնային հասցեին՝ թեմայի դաշտում նշելով՝
«Սոցիալական աշխատանքի կենտրոնի սուպերվիզոր – [համայնք]»Հայտերի ընդունման վերջնաժամկետ՝ 28.03.2026 թ․Միայն նախնական ընտրությունը հաղթահարած թեկնածուները կհրավիրվեն հարցազրույցի։