Մրցույթի համար՝ AASW-RISE-002/26 - Լոտ 1

Պաշտոնը՝ Ծառայության սուպերվիզոր (Աշտարակի սոցիալական խնամքի բազմաֆունկցիոնալ ծառայություն)

Ծրագրի անվանումը՝ «ՐԱՅԶ – Հայաստան․ տեղահանված և խոցելի բնակչության վերականգնում, սոցիալական ներառում և հզորացում» ծրագիրը։                         

Ծրագրի նպատակն է՝  Հայաստանում խոցելի բնակչության, այդ թվում  Լեռնային Ղարաբաղից տեղահանվածների համար սոցիալական պաշտպանության համակարգի բարելավումը`  սոցիալական աշխատողների կարողությունների զարգացման, ինչպես նաև նոր սոցիալական ծառայությունների՝ պատրոնաժի, սոցիալական խնամքի և սոցիալ-վերականգնողական ծառայությունների հասանելիության ապահովման միջոցով։

Ծրագրի տևողությունը․ Նոյեմբեր 2024-Նոյեմբեր 2027                                                   

Հաշվետու է՝  Ծրագրի ղեկավարին    

Ծրագրի շրջանակներում աշխատանքի իրականացման վայրը՝ Աշտարակ խոշորացված համայնք

Գործողության սկիզբ՝ 15/03/2026                                                                                Գործողության ավարտ՝ 15/05/2026

1․ Բովանդակությունը և նպատակը՝

Ապահովել ծառայության բազմամասնագիտական թիմի կողմից մատուցվող ծառայությունների որակը, դրանց արդյունավետ կազմակերպումը և պատշաճ իրականացումը՝ ինչպես ցերեկային, այնպես էլ շարժական ծառայությունների շրջանակում։

2․ Սուպերվիզորի աշխատանքային պարտականությունները

• Մասնագիտական սուպերվիզիա և կարողությունների զարգացում

• Իրականացնել անհատական և խմբային վարչական և կրթական սուպերվիզիա ծառայության բազմամասնագիտական թիմի համար։
• Ապահովել մասնագետների մասնագիտական գործունեության համապատասխանությունը գործող օրենսդրությանը, մասնագիտական էթիկական նորմերին և կազմակերպության ներքին կանոնակարգերին։
• Վերլուծել մասնագետների վարած դեպքերը, տրամադրել կառուցողական հետադարձ կապ։
• Բացահայտել թիմի մասնագիտական աջակցության և վերապատրաստման կարիքները։

• Կազմակերպել ներքին ուսուցողական հանդիպումներ և մասնագիտական քննարկումներ։
• Նպաստել թիմի անդամների մասնագիտական այրման կանխարգելմանը։
• Աջակցել նոր աշխատակիցների հարմարմանը աշխատանքային միջավայրում։
  • Դեպքերի կառավարում և միջամտությունների որակի ապահովում
• Կազմակերպել և վարել դեպքի քննարկումներ՝ ներգրավելով շահագրգիռ համայնքային և այլ առնչվող կառույցներին,
• Վերահսկել անհատական սոցիալական ծրագրերի մշակումը՝ ապահովելով դրանց ամբողջականությունը, նպատակների հստակությունը և չափելի արդյունքների սահմանումը։
• Վերանայել և հաստատել անհատական միջամտության պլանները։
• Ապահովել ծառայությունների պարբերական վերագնահատման գործընթացը։
• Հետևել, որ միջամտությունները լինեն շահառուի լավագույն շահին համապատասխան և կարողությունների ամրապնդման մոտեցմամբ։
  • Ծառայությունների համակարգում (ցերեկային և շարժական)
• Համակարգել ցերեկային կենտրոնում իրականացվող ծառայությունները։
• Համակարգել շարժական ծառայությունների պլանավորումը և իրականացումը։
• Վերահսկել մասնագետների աշխատանքային բեռնվածության բաշխումը։
• Ապահովել ծառայությունների անընդհատությունը և հասանելիությունը։
• Հետևել շահառուների գրանցման և ուղղորդման ընթացակարգերին։
• Ապահովել բազմամասնագիտական թիմի համադրված աշխատանքը։
  • Համայնքային համագործակցություն
• Զարգացնել և ամրապնդել համագործակցությունը ՏԻՄ-ի, ՄՍԾ ՏԿ-ի, համայնքում գործող առողջապահական, կրթական, զբաղվածության և այլ սոցիալական կառույցների հետ։
• Մասնակցել միջգերատեսչական հանդիպումների։
• Կազմակերպել թեմատիկ հանդիպումներ շահագրգիռ կողմերի հետ։
  • Ծառայությունների որակի մոնիթորինգ և գնահատում
• Իրականացնել ծառայությունների որակի պարբերական ներքին գնահատում։
• Վերլուծել ծառայությունների արդյունավետության ցուցանիշները։
• Վերահսկել փաստաթղթավորման ամբողջականությունը։
• Իրականացնել ընտրանքային դեպքերի աուդիտ։
• Առաջարկել և իրականացնել ծառայությունների որակի բարելավման միջոցառումներ։
• Ապահովել տվյալների պաշտպանության և գաղտնիության սկզբունքների պահպանումը։

2.6 Այլ գործառույթներ․

• Վերահսկել դեպքերի և ծառայությունների փաստաթղթավորման պատշաճ իրականացումը։
• Ներկայացնել պարբերական հաշվետվություններ ծրագրի ղեկավարությանը։
• Մասնակցել դոնորային հաշվետվությունների պատրաստմանը։
• Վերլուծել ծառայությունների արդյունքները և ներկայացնել բարելավման առաջարկներ։
• Ապահովել տվյալների հավաքագրման և պահպանման միասնական մեխանիզմներ։

3․ Առաջադրվող որակավորման նվազագույն պահանջները.

• Բարձրագույն կրթություն սոցիալական աշխատանքի բնագավառում (մագիստրոսի աստիճանը՝ առավելություն)
• Առնվազն 15 տարվա աշխատանքային փորձ սոցիալական աշխատանքի ոլորտում։
• Սուպերվիզիայի կամ թիմի ղեկավարման/համակարգման փորձ՝ առնվազն 5 տարի։

4. Հայտերի ներկայացման կարգ

Հետաքրքրված թեկնածուները պետք է մինչև 10/03/2025 թ. ներկայացնեն հետևյալ փաստաթղթերը՝

• Ինքնակենսագրական (CV)

• Կրթությունը և մասնագիտական որակավորումը հավաստող փաստաթղթերի պատճեններ (լիցենզիա, վկայականներ, փորձառությունը հիմնավորող փաստաթղթեր և այլն՝ ըստ պաշտոնի)

Փաստաթղթերը պետք է ուղարկել էլեկտրոնային տարբերակով հետևյալ էլհասցեին՝ procurement@aasw.org :

Էլ. նամակի թեմայի տողում անհրաժեշտ է նշել համապատասխան լոտի համարը և պաշտոնի անվանումը։

Միայն կարճ ցուցակում ընդգրկված թեկնածուները կհրավիրվեն հարցազրույցի։