Պաշտոնը՝ Առողջարար ֆիզկուլտուրայի/Յոգայի մասնագետ (Մարալիկի սոցիալական տուն)

Ծրագրի անվանումը՝ «ՐԱՅԶ – Հայաստան․ տեղահանված և խոցելի բնակչության վերականգնում, սոցիալական ներառում և հզորացում» ծրագիր։

Ծրագրի նպատակն է Հայաստանում խոցելի բնակչության, այդ թվում Լեռնային Ղարաբաղից տեղահանվածների համար սոցիալական պաշտպանության համակարգի բարելավումը՝ սոցիալական աշխատողների կարողությունների զարգացման, ինչպես նաև նոր սոցիալական ծառայությունների՝ պատրոնաժի, սոցիալական խնամքի և սոցիալ-վերականգնողական ծառայությունների հասանելիության ապահովման միջոցով։

• Ծրագրի տևողությունը․ Նոյեմբեր 2024 – Նոյեմբեր 2027

• Հաշվետու է՝ Մարալիկի կենտրոնի սուպերվիզորին

• Աշխատանքի իրականացման վայրը՝ ք․ Մարալիկ, Շիրակի մարզ (Մարալիկի սոցիալական տուն)

• Գործողության սկիզբ՝ 01/06/2027

• Գործողության ավարտ՝ 30/11/2027 (ծրագրի ավարտ)

1․ Բովանդակությունը և նպատակը

Առողջարար ֆիզկուլտուրայի/Յոգայի մասնագետի կողմից իրականացվող միջամտությունը նպատակ ունի նպաստել սոցիալական տան բնակիչների ֆիզիկական առողջության պահպանմանը, հոդերի շարժունակության, ուղեղի աշխատունակության ինչպես նաև մտավոր ակտիվության բարելավմանը՝ անհատական և խմբային մասնագիտացված պարապմունքների տրամադրման միջոցով։

Մասնագետի հիմնական պարտականությունները ներառում են բնակիչների շարժողական հնարավորությունների և սահմանափակումների նախնական գնահատումը, նրանց առողջական վիճակին հարմարեցված անվտանգ ծրագրերի մշակումը, յոգայի և նեյրոգիմնաստիկայի պարապմունքների անցկացումը, ինչպես նաև մասնակիցների ինքնազգացողության պարբերական դիտարկումն ու վերահսկումը։

Մասնագետը պարտավոր է հարգել շահառուի մասին իրեն հասանելի դարձած տվյալների գաղտնիությունը, առաջնորդվել անձակենտրոն մոտեցմամբ և սերտորեն համագործակցել սոցիալական տան բազմամասնագիտական թիմի հետ։

2․ Ընդհանուր պահանջները

• Ծառայության տրամադրման ձևաչափը․ Ծառայությունները տրամադրվում են սոցիալական տան տարածքում՝ անհատական և խմբային պարապմունքների ձևաչափով։

• Ծառայության տրամադրման մոտեցումը․ Մասնագետը յուրաքանչյուր շահառուի համար մշակում է ակտիվության անվտանգ և հարմարեցված ծրագիր։ Գնահատման արդյունքների հիման վրա, միջմասնագիտական թիմի (սոցիալական աշխատող, բուժքույր, հոգեբան) հետ համատեղ, պլանավորվում և կանոնավոր վերանայվում են իրականացվող միջամտությունները՝ ապահովելով շահառուի թե՛ ֆիզիկական, թե՛ հոգեհուզական բարեկեցությունը։

3․ Մասնագետի աշխատանքային պարտականությունները

3.1. Ֆիզիկական վիճակի գնահատում և ծրագրավորում.

• Նախնական գնահատել դասընթացի պոտենցիալ մասնակիցների շարժողական հնարավորությունները՝ պարզելու համար նրանց ֆիզիկական վիճակը և սահմանափակումները։

• Ծրագրավորել անվտանգ և բնակիչների առողջական ու ֆիզիկական առանձնահատկություններին հարմարեցված պարապմունքներ։

• Մշակել և իրականացնել խմբային և անհատական վարժությունների ծրագրեր՝ հաշվի առնելով մասնակիցների տարիքը, շարժունակությունը և ընդհանուր կարողությունները։

3.2. Պարապմունքների անցկացում և ակտիվության պահպանում.

• Վարել յոգայի կանոնավոր պարապմունքներ։

• Նպաստել բնակիչների ընդհանուր ֆիզիկական, ուղեղի աշխատունակության և մտավոր ակտիվության պահպանմանը՝ հոդային շարժունակության վարժությունների, ինչպես նաև նեյրոգիմնաստիկայի վարժությունների միջոցով։

3.3. Մոնիտորինգ, ռիսկերի վերահսկում և արձանագրում.

• Իրականացնել դասընթացի ընթացքում մասնակիցների ընդհանուր վիճակի դիտարկում, վերահսկել նրանց ինքնազգացողությունը։

• Վարել հաճախումների և մասնակցության կանոնավոր գրանցում։

3.4. Համագործակցություն և էթիկա.

• Ակտիվորեն համագործակցել միջմասնագիտական թիմի աշխատողների հետ՝ դեպքերի քննարկման և շահառուների դինամիկայի գնահատման նպատակով։

• Պահպանել շահառուների անվտանգության ապահովման բոլոր կանոնները, մասնագիտական էթիկան և գաղտնիությունը։

4․ Նվազագույն որակավորման պահանջները

• Մասնագիտական կրթություն, որակավորում կամ միջազգայնորեն ճանաչված հավաստագրեր առողջարար ֆիզկուլտուրայի/յոգայի դասավանդման, արևելյան մարմնամարզությունների կամ հարակից (ֆիզիոթերապիա, կինեզիոլոգիա) ոլորտներում։

• առողջարար ֆիզկուլտուրայի/յոգայի դասավանդման կամ համապատասխան ոլորտում պրակտիկայի առնվազն 3 տարվա աշխատանքային փորձ։

• Խոցելի և տարբեր տարիքային/ֆիզիկական սահմանափակումներ ունեցող խմբերի (տարեցներ, հաշմանդամություն ունեցող անձինք, տեղահանվածներ) հետ աշխատանքի փորձ (ցանկալի է)։

5․ Հայտերի ներկայացման կարգ

Հետաքրքրված թեկնածուները պետք է մինչև 03/06/2026 թ. ներկայացնեն հետևյալ փաստաթղթերը՝

1. Ինքնակենսագրական (CV)

2. Կրթությունը, մասնագիտական որակավորումը կամ մասնագիտացված վերապատրաստումները հավաստող փաստաթղթերի պատճեններ (վկայականներ, սերտիֆիկատներ)։

Փաստաթղթերը պետք է ուղարկել էլեկտրոնային տարբերակով հետևյալ էլհասցեին՝ procurement@aasw.org

Էլ. նամակի թեմայի (Subject) տողում անհրաժեշտ է նշել՝ «Առողջարար ֆիզկուլտուրայի/յոգայի մասնագետ(Մարալիկ)»։