Դասընթացի շրջանակներում մասնակիցները քննարկեցին համայնքի բյուջետավորման գործընթացն ու բյուջետային ծրագրերի մոնիթորինգի կազմակերպման հնարավորությունները։

Դասընթացը վարում էին Հայաստանի սոցիալական աշխատողների ասոցիացիայի նախագահ  Միրա Անտոնյանը և Շահերի պաշտպանության մասնագետ Տիգրան Պետրոսայանը։ Վերջիններս նշեցին, որ մասնագիտացված և գրագետ բյուջետավորման համարժեք կիրառումը էականորեն նվազեցնում է համայնքի ռեսուրսների անհիմն վատնումն ու դրանց հետ եկող բացասական հետևանքները։ Ըստ այդմ, վերոնշյալ գործընթացներում շատ կարևոր է համայնքի բնակչության ներգրավումը և համայնքի իրավիճակին լիրաժեքորեն տիրապետող թիմի առկայությունը, ինչպիսի են արդեն իսկ ձևավորված միջոլորտային ցանցերը։

Ծրագիրն իրականացվում է Հիլֆսվերկ Ինթերնեյշնլի (HWI) կողմից Հայաստանի սոցիալական աշխատողների ասոցիացիա / AASW «Գործընկերություն և ուսուցում» կրթություն և համագործակցություն հանուն քաղաքացիական հասարակության ՀԿ-ի ԳՈՒՄ ՀԿ / P&T NGO (P&T) և «Ընտանիք և համայնք» բարեգործական ՀԿ-ի (F&C) հետ համագործակցությամբ։

Ծրագիրը ֆինանսավորվում է Եվրոպական միության և Ավստրիական զարգացման գործակալություն (ADA), Ավստրիայի զարգացման համագործակցության գործառնական ստորաբաժանման կողմից։